L-Arċipriet u l-Kleru jixtiequ jroddu ħajr lil Alla u lil kulmin ta s-sehem tiegħu fiċ-ċelebrazzjonjiet li l-Parroċċa organizzat fl-okkażjoni tal-150 anniversarju mill-miġja tal-istatwa ta’ San Filep fostna. Ħajr lit-tliet baned Żebbuġin, dik ta’ San Filep, dik tat-12th May u dik ta’ De Rohan, li għal din l-okkażjoni ngħaqdu flimkien biex ikollna ċelebrazzjoni sabiħa. Ħajr ukoll lil min għen fl-organizzazzjoni, inkluż il-Kummissjoni Midja tal-Parroċċa u diversi persuni oħra li taw is-sehem tagħhom biex ikollna ċelebrazzjonijiet sbieħ.

Il-ktieb dwar l-istatwa ta’ San Filep qiegħed jitqassam ftit ftit. Fadal numru żgħir ta’ kopji bi prezz sussidjat ta’ 28 Euro. Wieħed jista’ jiġbor il-ktieb mis-Sagristija fil-ġranet li ġejjin. Sa issa nbiegħu ‘l fuq minn 400 kopja ta’ dan il-ktieb.  

Nhar il-Ħadd, 26 ta’ Mejju, se niċċelebraw l-Ewwel Tqarbina liċ-ċkejknin tagħna. L-Ewwel Tqarbina għas-subien tibda fid-9.15am u dik għall-bniet tibda fl-4.30pm. Bi preparazzjoni għall-Ewwel Tqarbina, infakkru li se jsiru xi laqgħat matul din il-ġimgħa għall-ġenituri, fejn se jkollna wkoll is-servizz tal-Qrar. Dik tas-subien u l-ġenituri tagħhom se ssir nhat it-Tnejn u nhar it-Tlieta, filwaqt li dik tal-bniet se ssir nhar il-Ħamis.

It-Tnejn, 20 ta’ Mejju:  Triq is-Siġġiewi (nibdew minn ħdejn il-Midland Hall); Triq il-Poeta Nazzjonali; u Triq Gugliermu Lorenzi.

It-Tlieta, 21 ta’ Mejju: Flats il-ġodda kollha fi Triq Ġanni Bonnici; u  Binja D, Ent. A u B; Block D, Ent. B; u Binja D,  Ent. C,  fi Triq Gugliermu Lorenzi.

L-Erbgħa, 22 ta’ Mejju: Triq is-Sindku P. Vella.

Għax-xebbiet adulti, nhar l-Erbgħa fis-6.30pm fiċ-Ċirkolu tal-Azzjoni Kattolika.

Fis-Santwarju tal-Qalb ta’ Ġesu’, nhar is-Sibt wara l-Quddiesa. Se jkun hemm servizz tal-Qrar. Imexxi Patri Angelo Mamo op.